पाँच वर्षीया सृष्टि मण्डललाई अपहरण गरेको आरोपमा कमला नगरपालिका–८ का २६ वर्षीय अभिषेक दासलाई जिल्ला प्रहरी कार्यालय धनुषाले चैत ११ गते गिरफ्तार गरेको छ ।
चैत १० गते जनकपुरधाम उपमहानगरपालिका–१६ पुलचोकस्थित घरबाट छोरीको अपहरण गरेको पीडित बालिकाकी आमा राधा मण्डलले बताउनु भयो ।
आरोपितले पीडित बालिकाको रिहाइको लागि १५ लाख रुपियाँ फिरौती माग गरेको पनि मण्डलले बताउनु भयो ।
पीडित बालिकाका बुबा ध्रुव मण्डलको मोवाइलमा फिरौती रकम माग भएपछि प्रहरीले मोवाइलको लोकेशन पत्ता लगाएर बालिकाको सकुशल उद्धार गरेको थियो ।
अपहरण घटनाका मुख्य योजनाकार अभिषेक दासलगायत अन्य चार जनालाई समेत गिरफ्तार गरिएको जिल्ला प्रहरी कार्यालय धनुषाका एसपी बसन्त रजौरेले बताउनु भयो ।
पीडित बालिकाको अपहरणमा सहयोगी भुमिका निर्वाह गर्नेहरूलाई गिरफतार गरी अनुसन्धान भइरहेकाले नाम गोप्य राखिएको एसपी रजौरेले बताउनु भयो ।