१३ वर्षीया बालिकालाई यौन दुर्व्यवहार गरेको आरोपमा जिल्ला अदालतले कसुरदार ठहर गरेका कोहलपुर नगरपालिका –१३ सिमरीका ३७ वर्षीय छविलाल रासकोटीलाई प्रहरीले कात्तिक ४ गते गिरफ्तार गरेको छ ।
जिल्ला अदालतले यौन दुरूपयोग मुद्दामा सजाय सुनाएका फरार आरेपितलाई जिल्ला प्रहरी कार्यालयबाट खटिएको प्रहरी टोलीले घरबाट गिरफ्तार गरेर कात्तिक ४ गते जिल्ला अदालत बाँकेमा बुझाएको जिल्ला प्रहरी कार्यालयका डिएसपी मधुसुधन न्यौपानेले बताउनु भयो ।
जिल्ला अदालतले ०७७ माघ २८ गते बाल यौन दुरूपयोग कसुर ठहर गर्दै आरोपितलाई ३ वर्ष कैद र ३ हजार रुपियाँ जरिवाना फैसला गरेको थियो ।
पीडितलाई आरोपितले ०७५ चैत ११ बलात्कार गरेको भन्दै पीडितपक्षले सोही दिन इलाका प्रहरी कार्यालय कोहलपुरमा उजुरी दिएका थिए ।
घटना पछि फरार रहेका आरोपित उपर इलाका प्रहरी कार्यालय कोहलपुरले बाल यौन दुरूपयोग कसुरमा मुद्दा चलाएको थियो ।
पीडितको स्वास्थ्य परीक्षण ०७५ चैत ११ गते भेरी अस्पताल नेपालगञ्जमा गरिएको थियो ।