कोहलपुर नगरपालिका–३ की ३५ वर्षीया लक्ष्मीरूपा न्यौपानेको हत्या गरेको आरोपमा प्रहरीले मृतकका पति ३४ वर्षीय प्रकाश न्यौपानेलाई असोज १० गते गिरफ्तार गरेको छ ।
पत्नीलाई आरोपितले असोज ८ गते मादक पदार्थ सेवन गरी भएको झगडामा कुटपिट गरेको र धकेलेपछि टाउकोमा चोट लागेको थियो । घाइतेको नेपालगञ्ज मेडिकल कलेज कोहलपुरमा उपचारका क्रममा असोज ९ गते मृत्यु भएको इलाका प्रहरी कार्यालय कोहलपुरका असइ शेरबहादुर बारघरेले बताउनु भयो ।
मृतकका माइती पक्षले असोज १० गते इलाका प्रहरी कार्यालयमा उजुरी दिएपछि प्रहरीले आरोपितलाई कोहलपुरबाट गिरफ्तार गरी अनुसन्धान भइरहेको असइ बारघरेले बताउनु भयो ।
शवको पोष्टमार्टम असोज १० गते भेरी अस्पताल नेपालगञ्जमा गरिएको छ ।