मकवानपुरको हेटैँडा उपमहानगरपालिका–४ घर भई हाल काठमाडौँ महानगरपालिका–८ गौरीघाटमा बस्ने २३ वर्षीया रञ्जना तामाङको साउन २७ गते हत्या गरेको आरोपमा पति ३९ वर्षीय राम श्रेष्ठलाई प्रहरीले सोही दिन गिरफ्तार गरेको छ ।
श्रेष्ठ आफैंले प्रहरीको हटलाइन १०० नम्बरमा फोन गरेर आफूले पत्नीको हत्या गरेको जानकारी दिएको महानगरी प्रहरी वृत गौशालाले जनायो ।
आरोपितले फोन गरेपछि प्रहरी टोली घटनास्थल पुग्दा कोठाभित्र चुकुल लगाएर बसेको अवस्थामा श्रेष्ठ र ओछ्यानमा रञ्जनाको शव भेटिएको महानगरीय प्रहरी वृत गौशालाका डिएसपी केशव भट्टराईले बताउनु भयो ।
पत्नीसँग विवाद हुँदा आफूले घाँटी थिचेर हत्या गरेको भनेर श्रेष्ठले स्वीकारेको डिएसपी भट्टराईले जानकारी दिनुभयो । शवको पोष्टमार्टम साउन २८ गते त्रिवि शिक्षण अस्पताल महाराजगञ्जमा भयो ।