धनगढीमाई नपा–३ की २८ वर्षीया पुजा चौधरीलाई आगो लगाएर हत्या गरेको आरोपमा इलाका प्रहरी कार्यालय लहानले २९ वर्षीय पति दीपेन्द्र चौधरीलाई जेठ २३ गते गिरफ्तार गरेको छ ।
जेठ २१ गते राति मादक पदार्थ किन्न पैसा माग्दा नदिएपछि सोही विषयमा विवाद हुँदा आरोपितले पेट्रोल छर्की आगो लगाएर आठ महिनाकी गर्भवती पूजाको मत्यु भएको पीडित पक्षको आरोप छ ।
घाइते पुजालाई तत्काल लहान स्थित कामना नर्सिङ होममा लगिएपनि थप उपचारका लागि विराटनगर स्थित नोबेल अस्पताल पु¥याइएका थिए ।
नोबेल अस्पतालले काठमाडौँ उपचारको लागि लैजान सल्लाह दिएपछि जेठ २२ गते काठमाडौँमा लैजाने क्रममा सिन्धुलीमा पुजाको मृत्यु भएको मृतकका भाइ सलेनकुमार चौधरीले बताउनु भयो ।
घटनाको उजुरी इलाका प्रहरी कार्यालय लहानमा जेठ २२ गते नै दिएको सलेनकुमारले बताउनु भयो । शवको पोष्टमार्टम लहानस्थित रामकुमार उमाप्रसाद स्मारक अस्पतालमा जेठ २३ गते गरिएको छ ।
आरोपितलाई घरबाटै गिरफ्तार गरी घटनाको अनुसन्धानका लागि जिल्ला अदालतबाट जेठ २४ गते म्याद थप गराइएको इलाका प्रहरी कार्यालय लहानका डिएसपी डाक्टर तपनकुमार दाहालका बताउनु भयो ।