पोखरीया नपा—९ सेमरबारी, पर्साकी १५ वर्षीया बालिका पुनिता कुमारी दासको आफ्नै परिवारका सदस्यले हत्या गरी घर नजिकै गाडेको आरोपमा २०७६ पुस २१ गते आमासहित चारजना गिरफ्तार भएका छन् ।
गिरफ्तार पर्नेमा पुनिताकी ३० वर्षीया आमा शिवकली देवी, २८ वर्षीय सन्तोष दास, ३९ वर्षीय राजेन्द्र दास र २० वर्षीय जितेन्द्र यादव रहेको र पुनिताका ३५ वर्षीय बुवा वीरेन्द्र दास भने फरार रहेको प्रहरीले जनाएको छ ।
जिल्ला प्रहरी कार्यालय पर्साका एसपी सोमेन्द्रसिंह राठौरले पुनिता हत्याको घटनाबारे बाहिर होहल्ला सुनेको र अनुसन्धानको क्रममा घटनासम्म पुग्न सफल भएको बताउनु भयो । फरार बुवाको खोजी र थप अनुसन्धान भइरहेको पनि उहाँले बताउनु भयो ।