१४ वर्षीया बालिकालाई बलात्कार गरेको कसुरमा मोदी गाउँपालिका–५ का २६ वर्षीय प्रकाश बिकलाई पर्वत जिल्ला अदालतको पुस १३ गतेको फैसलाले १२ वर्ष कैद सजाय र २५ हजार क्षतिपूर्तिको फैसला सुनाएको छ ।
जिल्ला अदालत पर्वतका जिल्ला न्यायाधीश सुर्यबहादुर थापाको इजलासले बिकलाई कैद तथा क्षतिपूर्ति भराउने फैसला सुनाएको हो ।
पीडित बालिकालाई बिकले ०७६ असोज २५ गते बलात्कार गरेको भन्दै बालिकाका आफन्तहरुले असोज २७ गते जिल्ला प्रहरी कार्यालय पर्वतमा उजुरी दिएका थिए ।
उजुरी पश्चात प्रहरीले असोज २७ गते नै बिकलाई गिरफ्तार गरेको थियो । प्रहरी हिरासतमा रहेका बिकलाई अनुसन्धान पश्चात प्रहरीले कात्तिक ३ गते पर्वत जिल्ला अदालतमा सरकारी वकिल कार्यालयमार्फत जबर्जस्ती करणी अन्तर्गत मुद्दा दर्ता गरेको थियो ।
पीडित बालिकाको स्वास्थ्य परीक्षण असोज २७ गते जिल्ला अस्पताल पर्वतमा गरिएको थियो ।