यौन दुर्व्यवहार घटनाका आरोपित गिरफ्तार

१३ वर्षीया बालिकालाई यौन दुर्व्यवहार गरेको आरोपमा प्रहरीले बर्दिया जिल्ला घर भई गाडीको सहचालकको रूपमा काम गर्ने २३ वर्षीय राजकुमार यादवलाई कात्तिक २७ गते खाँडाचक्र नपा–२ जितेबाट गिरफ्तार गरेको छ ।
पीडित बालिकालाई आरोपितले कात्तिक २६ गते यौन दुर्व्यवहार गरेको भन्दै पीडितका आफन्तले कात्तिक २७ गते जिल्ला प्रहरी कार्यालय, कालिकोटमा उजुरी दिएका थिए ।
पीडित पक्षको उजुरीका आधारमा आरोपितलाई गिरफ्तार गरेर घटनाको अनुसन्धान गरिरहेको जिल्ला प्रहरी कार्यालय, कालिकोटका डिएसपी श्यामबाबु ओलियाले बताए ।
पीडित बालिकाको स्वास्थ्य परीक्षण कात्तिक २७ गते जिल्ला अस्पताल, कालिकोटमा गरिएको प्रहरीले जनाएको छ ।