३३ वर्षीया एक महिलालाई यौन दुर्व्यवहार गरेको आरोपमा जिल्ला प्रहरीले बागलुङको बडिगाड गाउँपालिका–२ बस्ने ४३ वर्षीय देवबहादुर रानालाई चैत १९ गते गिरफ्तार गरेको छ ।
आरोपितले पीडितलाई चैत १२ गते राति यौन दुर्व्यवहार गरेको भन्दै पीडित पक्षले चैत १८ गते प्रहरीमा उजुरी दिएका थिए ।
पीडित पक्षको उजुरी पछि प्रहरीले आरोपितलाई गिरफ्तार गरी अनुसन्धान अगाडि बढाएको जिल्ला प्रहरी कार्यालय, बागलुङका डिएसपी झविन्द्रप्रसाद भट्टराईले जानकारी दिए ।
आरोपित राना यसअघि कर्तव्य ज्यान कसुरमा १० वर्ष कैद भुक्तान गरेर २०७२ सालमा रिहा भएको समेत डिएसपी भट्टराईले जानकारी दिए ।
पीडित महिलाको स्वास्थ परिक्षण चैत १९ गते धौलागिरी अञ्चल अस्पताल, गरिएको प्रहरीले जनाएको छ ।