गृह मन्त्रालयमा आफ्ना समस्या राख्न ०८३ असार २९ गते सिंहदरबार पुगेका २७ वर्षीया निहारिका राजपुत र २९ वर्षीया बिनु यादवलाई सुरक्षाकर्मीले प्रवेश गर्न नदिएपछि सिंहदरबारको दक्षिण गेटमा धर्नामा बस्नु भएको छ ।
आफ्ना नाबालक छोरासहित राजपुत गृह मन्त्रालय प्रवेशका लागि राष्ट्रिय स्वतन्त्र पार्टी (रास्वपा)की एक महिला सांसदमार्फत गेट पासको व्यवस्था गरिएतापनि सुरक्षाकर्मीले ‘माथिको आदेश’ भन्दै प्रवेश गर्न नदिएको पीडितको आरोप छ ।
सिंह दरबार प्रवेशमा रोक लगाएपछि बिनु यादवले केही समय सडकमा सुतेर विरोध जनाउनु भएको थियो भने निहारिका नाबालक छोरालाई च्यापेर वर्षाका बीच गेटनजिकै धर्नामा बस्नु भएको थियो ।