आठ वर्षीया बालिकालाई बलात्कार गरेको कसुरमा १७ वर्षीय बालकलाई ६ वर्ष कैदको फैसला सुनाएको छ ।
न्यायाधीश हरिप्रसाद कोइरालाको इजलासले जबरजस्ती करणीमा पाँच वर्ष र हाडनाता करणीमा एक वर्ष कैद फैसला फागुन २६ गते सुनाएको जिल्ला न्यायधिवक्ता जयप्रसाद धितालले जानकारी दिए ।
उमेर कम भएकाले कसुरदार दासलाई डोटी जिल्लाको बाल सुधार गृहमा राखिने भएको धितालको भनाइ छ ।
पीडित बालिकालाई आरोपितले असार २० गते बलात्कार गरेको भन्दै पीडित पक्षले असार २८ गते प्रहरीमा उजुरी दिएको थियो ।
पीडित बालिककाको स्वास्थ्य परीक्षण असार २८ गते गरी जिल्ला अस्पतालमा एक हप्तासम्म उपचार गरिएको थियो ।
आरोपित भारत गएकोले परिवारको सहयोगमा बोलाएर साँफेबगर नगरपालिका–१० घुगुरकोटबाट साउन ८ गते प्रहरीले गिरफ्तार गरेको थियो ।