१६ वर्षीया एक बालिकालाई गत भदौ २६ गते यौन दुर्व्यवहार गरेको आरोपमा जिल्ला अदालत बैतडीले पुस २६ गते दशरथचन्द नगरपालिका– ५ गोठलापानीका २६ वर्षीय नन्दराज जोशीलाई १ वर्ष ६ महिना कैद र १५ हजार रुपियाँ क्षतिपुर्तिको फैसला सुनाएको छ ।
जोशीविरूद्ध बलात्कारको प्रयास गरेको आरोपमा पीडित पक्षले भदौ २९ गते जिल्ला प्रहरी कार्यालयमा उजुरी दिएको थियो ।
उजुरी दिएकै दिन गिरफ्तार गरिएका जोशीले बलात्कार प्रयास गरेको ठहर नभएपनि बालिकालाई यौन दुर्व्यवहार गरेको आरोपमा अदालतले उक्त फैसला सुनाएको हो । तीजको दर खाने दिन फोनमार्फत बोलाएर यौन दुर्व्यवहार गरेको अदालतको ठहर छ ।