बोल्न नसक्ने अपाङ्गता भएकी १३ वर्षीया बालिकालाई यौन दुर्व्यवहार गरेको कसुरमा सुरूङ्गा नपा–३ का २३ वर्षीय मिथुन सदालाई जिल्ला अदालतले पुस ५ गते चार वर्ष कैद सजायको फैसला गरेको छ ।
न्यायाधीश कमलप्रसाद ज्ञवालीको इजलासले आरोपितलाई चार वर्ष कैद सजायको अन्तिम फैसला गरेको जिल्ला अदालतका स्रेस्तेदार दिलकुमार बर्देवाले जानकारी दिए ।
पीडित बालिकालाई आरोपितले ०७४ कात्तिक ४ गते यौन दुर्व्यवहार गरेको भन्दै पीडितकी आमाले इलाका प्रहरी कार्यालय कडरबोनामा ०७४ कात्तिक ५ गते उजुरी दिएकी थिइन् ।
इलाका प्रहरी कार्यालय कडरबोनाले आरोपित सदालाई कात्तिक ४ गते नै गिरफ्तार गरी कात्तिक ५ गते जबरजस्ती करणी उद्योगमा मुद्दा चलाएको थियो । जिल्ला अदालतको आदेश अनुसार आरोपित ०७४ मङ्सिर १ गतेदेखि नै पुर्पक्षका लागि थुनामा छन् ।