३२ वर्षीया महिलालाई बलात्कार गरेको कसुरमा जिल्ला अदालतले रङ्गेली नगरपालिका–८ का ३६ वर्षीय बच्चु भनिने अहमद चुरौटेलाई असोज २१ गते पाँच वर्षको कैद सजाय सुनाएको छ ।
न्यायाधीश नारायणप्रसाद शर्माको इजलासले कैदसँगै पीडितले पाउने गरी २० हजार रुपियाँ पीडकले क्षतिपूर्ति उपलब्ध गराउने गरी फैसला भएको अदालतका नायब सुब्बा श्याम ओझाले बताए ।
पीडित महिलालाई आरोपितले ०७५ साउन १० गते बलात्कार गरेको आरोपमा पीडितले प्रहरीमा उजुरी दिएपछि आरोपितलाई सोही दिन गिरफ्तार गरी प्रहरीले भदौ ४ गते अदालतमा मुद्दा दर्ता गराएको थियो ।
पीडित महिलाको स्वास्थ्य परीक्षण साउन ११ गते कोसी अञ्चल अस्पताल विराटनगरमा गरिएको थियो ।