भगवानपुर गाउँपालिका–१ की ७६ वर्षीया कौशिलादेवी पौडेलको हत्या गरेको कसुरमा ३५ वर्षीय छोरा धिरज पौडेललाई जिल्ला अदालतले असार ३१ गते जन्मकैदको फैसला सुनाएको छ ।
न्यायाधीश सुदर्शनराज पाण्डेको इजलासले सो फैसला गरेको सरकारी वकिल जुद्धबहादुर आलेले बताए । मृतक कौशिलाको ०७५ वैशाख २८ गते घरायसी विवादमा ढोकामा लगाउने आग्लो प्रहार गरी आरोपितले हत्या गरेको आरोपमा इलाका प्रहरी कार्यालय लहानमा वैशाख २९ गते पीडित पक्षले उजुरी दिएको थियो ।
लासको पोष्टमार्टम लहानस्थित रामकुमार उमाप्रसाद स्मारक अस्पतालमा वैशाख २९ गते गरिएको थियो । इलाका प्रहरी कार्यालय लहानले आरोपितलाई वैशाख २९ गते गिरफ्तार गरेको थियो भने जिल्ला अदालतको आदेशमा आरोपित जेठ २१ गते देखि पुर्पक्षका लागि थुनामा रहेका थिए ।