बटेश्वर गाउँपालिका –१ चित्रपुरकी २३ वर्षीया अंशु कुमारी महतोको २०८२ असोज १३ गते हत्या गरेको अरोपमा माइती पक्षले असोज १५ गते पति ३० वर्षीय शिवकुमार महतो र ससुरा ६४ वर्षीय रामदलार महतोविरुद्ध जिल्ला प्रहरी कार्यालयमा उजुरी दिएको छ ।
माइती पक्षले छोरीको शंकास्पद मृत्यु भएको भन्दै जिल्ला प्रहरी कार्यालय धनुषामा उजुरी दिएको एसपी नरहरी रेग्मीले जानकारी दिनु भयो । अंशु कुमारी सात महिनाकी गर्भवती थिइन् ।
सामाजिक परम्परागत अनुसार दुई वर्ष अघि विवाह भएको अंशुलाई घर परिवारले पटक पटक यातना दिने गरेको दिदीले गुनासो गर्ने गरेको मृतककी बहिनी आकृती कुमारी महतोले बताइन् । शवको पोस्टम्यार्टम असोज १५ गते प्रादेशिक अस्पताल जनकपुरधाममा गरिएको छ ।
सन्तोष कुमार यादव