१४ वर्षीया बालिकालाई बलात्कार गरेको कसुरमा जिल्ला अदालतले तुलसीपुर उमनपा–१४ का २१ वर्षीय दिपेन्द्र नेपालीलाई १० वर्ष कैद सजायको फैसला गरेको छ ।
जिल्ला अदालतका न्यायाधीश तेजनारायण पौडेलको इजलासले असार ३१ गते आरोपितलाई दोषी ठहर गर्दै १० वर्ष कैद, ५ लाख रुपियाँ जरिबाना, २० हजार रुपियाँ क्षतिपूर्ति र १ हजार ८ सय रुपियाँ पीडित राहतकोषमा जम्मा गर्ने फैसला गरेको अदालतका स्रेस्तेदार दामोदर घिमिरेले जानकारी दिनुभयो ।
आराेपितले बालिकालाई ०८० वैशाख १ गते बलात्कार गरेको भन्दै पीडित पक्षले वैशाख ५ गते इलाका प्रहरी कार्यालय तुलसीपुरमा उजुरी दिएका थिए । बालिकाको स्वास्थ्य परीक्षण वैशाख ५ गते राप्ती प्रादेशिक अस्पताल तुलसीपुरमा भएको थियो ।
प्रहरीले आराेपितलाई वैशाख ५ गते तुलसीपुर–१३ बाट गिरफ्तार गरी वैशाख ३१ गते जवरजस्तीकरणी सम्बन्धी मुद्दा चलाएको थियो ।