१५ वर्षीया बालिकालाई बलात्कार गरेको कसुरमा जिल्ला अदालत रुपन्देहीले गैडहवा गाउँपालिका–१ वनगाईका २१ वर्षीय ओम प्रकाश चौधरीलाई १२ वर्ष कैद सजायको फैसला गरेको छ ।
जिल्ला अदालतका न्यायाधीश अशोक कुमार बस्नेतको असार २६ गतेको इजलासले आरोपितलाई कसुर ठहर गर्दै १२ वर्ष कैद सजाय, ५ लाख रुपियाँ जरिबाना, ५० हजार रुपियाँ क्षतिपूर्ति बापत पीडितलाई भराई दिने र २० हजार रुपियाँ पीडित राहत कोषमा जम्मा गर्ने फैसला गरेको अदालतका सूचना अधिकारी पदम अर्यालले जानकारी दिनुभयो ।
आरोपितले बालिकालाई ०८१ भदौ ६ गते बलात्कार गरेको भन्दै पीडितका अभिभावकको सहयोगमा भदौ ७ गते इलाका प्रहरी कार्यालय, लुम्बिनीमा उजुरी दिएका थिए । पीडितको स्वास्थ्य परीक्षण भदौ ६ गते भिम अस्पताल भैरहवामा भएको थियो । प्रहरीले आरोपितलाई भदौ ६ गते घरबाटै गिरफ्तार गरेको थियो ।