नरहरिनाथ गाउँपालिका–२ का ३२ वर्षीया धना विश्वकर्मा माथि जातीय विभेद गरेको आरोपमा रास्कोट नगरपालिका–७ का ४२ वर्षीय दानबहादुर रोकाया विरुद्ध जिल्ला प्रहरी कार्यालयमा उजुरी दर्ता भएको छ ।
आरोपितले विश्वकर्मालाई ०८२ वैशाख २४ गते सामाजिक सञ्जाल फेसवुक म्यासेञ्जरमा जातीय विभेद गरेको भन्दै पीडित विश्वकर्माले वैशाख २६ गते जिल्ला प्रहरी कार्यालयमा उजुरी दिनुभएको हो । पीडितको उजुरी आएपछि घटनाको अनुसन्धान भइरहेको जिल्ला प्रहरी कार्यालयका डिएसपी टेकबहादुर रावतले बताउनु भयो ।