राष्ट्रिय समाचार समितिका पत्रकार पूर्णप्रसाद मिश्रलाई समाचार सङ्कलनका क्रममा निर्माण व्यवसायी सङ्घको प्रतिनिधि बताउने एक व्यक्तिले दुर्व्यवहार गरेकोमा नेपाल पत्रकार महासङ्घको ध्यानाकर्षण भएको छ ।
पत्रकार महासङ्घले ०८२ वैशाख १० गते एक विज्ञप्ति प्रकाशन गरी पत्रकारमाथि भएको दुर्व्यवहार घटनामा महासङ्घको ध्यानाकर्षण भएको महासचिव रामप्रसाद दाहालले जानकारी दिनु भयो ।
यही मंगलबार
काठमाडौंको कागेश्वरी मनोहरा नगरपालिका–४ स्थित कोलमोतेश्वमा निर्माणाधीन सार्वजनिक सडकको वैशाख ९ गते तस्वीर खिँचेपछि महासङ्घ रासस प्रतिष्ठान शाखाका सदस्यसमेत रहेका मिश्रलाई ती व्यक्तिले धम्क्याउँदै खिँचेको सामग्री हटाउन दबाब दिएको शाखाले जनाएको छ ।
पेशागत धर्म निर्वाहमा जुटेका पत्रकारमाथि भएको यो व्यवहारलाई महासङ्घले अत्यन्त आपत्तिजनक र प्रेस स्वतन्त्रता विरोधी कदमको रुपमा लिएको छ ।
महासङ्घ ‘यस्तो हर्कतमा संलग्न जो कोही भए पनि तत्काल कानुनी कारबाही गरी पत्रकारलाई निर्वाध र निर्धक्क भएर सञ्चारकर्ममा जुट्ने वातावरण निर्माणका लागि सम्बन्धित निकायसँग माग गर्दछ’, विज्ञप्तिमा भनिएको छ ।