जन्मजात दृष्टिविहिन २२ वर्षीया युवतीलाई बलात्कार गरी गर्भवती बनाएको आरोपमा प्रहरीले रामारोशन गाउँपालिका–५ निवासी ५१ वर्षीय चेतमान रोकायालाई ०८१ चैत २६ गते गिरफ्तार गरेको छ ।
अपाङ्गताभएकी युवतीलाई बलात्कार गरेको आरोपमा पीडित पक्षले आरोपित विरुद्ध चैत २६ गते उजुरी दिएपछि आरोपितलाई गिरफ्तार गरी अनुसन्धान भइरहेको जिल्ला प्रहरी कार्यालय, अछामका इन्स्पेक्टर जगत पार्कीले बताउनु भयो ।
पीडितको स्वास्थ्य परीक्षणका क्रममा २८ हप्ताको गर्भरहेको पाइएको समेत इन्स्पेक्टर पार्कीले जानकारी दिनु भयो ।