प्रतिनिधि तथा प्रदेश सभाको निर्वाचन विरोधी गतिविधिमा संलग्न भएको आरोपमा प्रहरीले नेपाल कम्युनिष्ट पार्टीका तीनजना कार्यकर्तालाई मङ्सिर १५ गते जिल्लाका विभिन्न स्थानबाट गिरफ्तार गरेको छ ।
जिल्ला प्रहरी कार्यालयको टोलीले सन्धिखर्क नपा-१ का ५३ वर्षीय गोविन्द खनाललाई र इलाका प्रहरी कार्यालय ठाडाको टोलीले सितगङ्गा नपा-११ को ढुङ्गेसराबाट योगेन्द्र रेश्मी र भुमबहादुर विरकट्टालाई सोही स्थानबाट गिरफ्तार गरेको इलाका प्रहरी कार्यालयका इन्स्पेक्टर कमल परियारले जानकारी दिए ।
गिरफ्तार गरिएका गोविन्द खनालको घर खानतलासी गर्दा एक थान पेस्तोल र गोली समेत बरामद गरिएको जिल्ला प्रहरी कार्यालयका डिएसपी एकनारायण कोइरालाले बताए । गिरफ्तार गरिएका सबैजनाका बारेमा अनुसन्धान गरिहेको जिल्ला प्रहरी कार्यालय अर्घाखाँचीले जनाएको छ ।