१६ वर्षीया बालिकालाई बलात्कार गरेको कसुरमा जिल्ला अदालतलते साँगुरीगढी गाउँपालिका-७ महाभारतका २५ वर्षीय अनककुमार राईलाई १२ वर्ष कैद सजायको फैसला सुनाएको छ ।
जिल्ला अदालतका न्यायाधीश नारायणप्रसाद पराजुलीको फागनु २८ गतेको आदेशले कसुर गरेको ठहर गर्दै कैद सजायसँगै ५ लाख रुपियाँ जरिबाना भर्ना आदेश भएको अदालतका सूचना अधिकारी यामकुमार खड्काले बताउनु भयो ।
पीडितलाई ०८० माघ २१ गते बलात्कार गरेको आरोपमा पीडित पक्षले आरोपितविरुद्ध माघ २२ गते प्रहरी चौकी, भेडेटारमा उजुरी दिएको थियो ।
प्रहरीले आरोपितलाई माघ २२ गते गिरफ्तार गरी जिल्ला अदालतमा ०८० फागुन ८ गते बलात्कार शीर्षकमा मुद्दा दर्ता गरेको थियो ।
जिल्ला अदालतको ०८० फागुन ९ गतेको आदेशले आरोपित पुर्पक्षका लागि थुनामा थिए ।
पीडितको स्वास्थ्य परीक्षण जिल्ला अस्पतालमा माघ २२ गते गरिएको थियो ।