१७ वर्षीया बालिकालाई बलात्कार गरेको आरोपमा ईश्वरपुर नगरपालिका-४ का २८ वर्षीय मुना भनिने महेन्द्र कुमार चौधरीविरुद्ध इलाका प्रहरी कार्यालय केशरगञ्जमा ०८१ फागुन २३ गते पीडित पक्षले उजुरी दिनु भएको छ ।
पीडित पक्षले बालिका घरमा एक्लै भएको मौका छोपी ०८१ फागुन १४ गते आरोपितले बालिकालाई धाक धम्की दिई बलात्कार गरेको बताउनु भयो ।
घटनापश्चात आरोपित चौधरी फरार रहेकोले खोजतलास भइरहेको इलाका प्रहरी कार्यालय केशरगञ्जका इन्स्पेक्टर उमाकान्त जोसीले जानकारी दिनु भयो ।
पीडित बालिकाको स्वास्थ्य परीक्षण फागुन २३ गते सर्लाही जिल्ला अस्पताल मलंगवामा भयो ।