हामी सबैको प्रतिबद्धता, लैङ्गिक हिंसा अन्त्यका लागि ऐक्यबद्धता भन्ने नाराका साथ कास्कीमा लैङ्गिक हिंसा विरुद्धको १६ दिने अभियान कात्तिक १० गतेदेखि सुरुवात गरिएको छ । इन्सेकलगायतका सङ्घसंस्थाको आयोजनामा पहिलो दिन सचेतनामूलक प्रभातफेरी कार्यक्रम गरिएको छ ।
लैङ्गिक हिंसा अन्त्यका लागि २५ नोभेम्बर देखि १० डिसेम्बर २०२४ (मङ्सिर १० देखि २५ गते) सम्म विभिन्न कार्यक्रम गरी १६ दिने अभियान सञ्चालन गरिएको छ । कास्कीका प्रमुख जिल्ला अधिकारी भरतमणी पाण्डेले लैङ्गिक हिंसा कानुनी रुपमा दण्डनीय भएकाले त्यसको न्यूनीकरणका लागि सचेतनामूलक आवश्यक भएको उहाँले बताउनु भयो । उहाँले कानुनी व्यवस्थाको बारेमा जानकारी नभएरसमेत हिंसाका घटना भएको जानकारी दिनु भयो ।
पोखराको चिप्लेढुङ्गाबाट सुरु भएको र्याली न्युरोड हुँदै पोखरा सभागृहमा पुगेर सभामा परिणत भएको सामुदायिक सेवा तथा सामुदायिक सेवा केन्द्र जिल्ला समन्वय समिति कास्कीका अध्यक्ष भीम पराजुलीले जानकारी दिनु भयो ।
गण्डकी प्रदेश प्रहरी कार्यालयका डिआइजी दुर्गा सिंहले हरेक व्यक्ति मानव भएर जन्मेपनि पछि समाजले लैङ्गिक रुपमा विभेद गर्ने जानकारी दिनु भयो । उहाँले लैङ्गिक विभेदलाई चिर्न सरोकारवाला सबैको ऐक्याबद्धता आवश्यक भएको उल्लेख गर्नु भयो ।