धनगढी उपमहानगरपालिका–४ की ३१ वर्षीया मुस्कान भन्ने बिमा थापामगरको २०८० कात्तिक २९ गते बलात्कार गरी हत्या गरेको आरोपमा प्रहरीले फरार आरोपित धनगढी उपमहानगरपालका–५ का ३० वर्षीय जनक देउवा र सोही ठाउँका २८ वर्षीय संजिव चौधरीलाई ०८१ असोज ५ गते गिरफ्तार गरेको छ ।
हत्या गरिएकी थापामगर र आरोपितद्धय लागुऔषध सेवन कर्ता रहेका र आरोपितद्धयले २०८० कात्तिक २९ गते थापामगरलाई बोलाई बलात्कारपछि हत्या गरेर फरार रहेका आरोपितहरुलाई गिरफ्तार गरी अनुसन्धान भइरहेको जिल्ला प्रहरी कार्यालय, कैलालीका एसपी पदमबहादुर विष्टले बताउनु भयो ।
धनगढी उपमहानगरपालिका–६ स्थित सरस्वती सामुदायिक वनमा ०८० मङ्सिर ६ गते महिलाको शव फेला परेपछि घटनाको अनुसन्धान भइरहेको र ११ महिनापछि फरार आरोपितद्धयलाई गिरफ्तार गर्न सफल भइएको एसपी विष्टले बताउनु भयो ।
शवको पोष्टमार्टम ०८० मङ्सिर ६ गते सेती प्रादेशिक अस्पताल, धनगढीमा गरी आफन्तलाई. बुझाइएको थियो ।