नारायण नगरपालिका–११, टाटामाखुस्थित रैनादेबी माविका प्रधानाध्यापक सन्तबहादुर खड्कालाई दुर्व्यवहार गरेको आरोपमा नारायण नगरपालिका–११, विन्ध्यवासिनीका ४२ वर्षीय चन्द्रबहादुर शाही, सोही ठाउँका १९ वर्षीय अनिल चन्द, २० वर्षीय रबि बडुवाल र १९ वर्षीय विपिन विकलाई प्रहरीले ०८१ भदौ २९ गते गिरफ्तार गरेको छ ।
पीडित प्रधानाध्यापकलाई आरोपितहरूले भदौ २८ गते विद्यालयमा अतिरिक्त क्रियाकलाप कार्यक्रम भइरहेको बेला मदिरा सेवन गरेर होहल्ला गरी हातपात र दुर्व्यवहार गरेको भन्दै पीडित पक्षले भदौ २८ गते जिल्ला प्रहरी कार्यालयमा उजुरी दिएको थियो । पीडित पक्षले दिएको उजुरीको आधारमा आरोपितहरूलाई गिरफ्तार गरी थप अनुसन्धान गरिरहेको जिल्ला प्रहरी कार्यालयका सूचना अधिकारी एवम् इन्स्पेक्टर शिवनारायण चौधरीले इन्सेकलाई जानकारी दिनुभयो ।