१४ वर्षीया बालिकालाई यौन दुर्व्यवहार गरेको कसुरमा जिल्ला अदालतले नवलपरासी जिल्लाको पालिनन्दन गाउँपालिका–१ का २१ वर्षीय राजाराम चमारलाई १५ दिन कैद सजायको फैसला गरेको छ ।
जिल्ला अदालतका न्यायाधीश डा. श्री प्रकाश उप्रतीको ०८१ साउन ३ गतेको इजलासले कसुर ठहर गर्दै १५ दिन कैद सजाय, २ हजार ५ सय रुपियाँ जरिबाना र १० हजार रुपियाँ पीडितलाई क्षतिपूर्ति भराउने फैसला गरेको जिल्ला अदालतका श्रेस्तेदार यज्ञमूर्ति ज्ञवालीले इन्सेकलाई जानकारी दिनुभयो ।
पीडित बालिकालाई आरोपितले ०८० फागुन १४ गते यौन दुर्व्यवहार गरेको भन्दै पीडित पक्षले फागुन १५ गते इलाका प्रहरी कार्यालय, बुटवलमा उजुरी दिएको थियो । पीडित पक्षको सोही उजुरीको आधारमा आरोपितलाई फागुन १५ गते गिरफ्तार गरेको थियो । पीडितको स्वास्थ्य परीक्षण फागुन १५ गते लुम्बिनी प्रादेशिक अस्पताल, बुटवलमा भयो ।