लिखु तामाकोसी गाउँपालिका–२ सैपुकी चार महिनाकी सुत्केरी १६ वर्षीया कारिना सोनामलाई ०८१ असार २५ गते घरमा बसिरहेको अवस्थामा अपरिचित व्यक्तिले टाउकोमा सिसाले प्रहार गरी घाइते बनाए ।
घरमा आएका एक अपरिचत व्यक्तिले ‘तेरो पति खोई’ भनी सोधेकोमा आफूले थाहा छैन भन्ने बित्तिकै घरमा झुण्ड्याएर राखेको ऐना फुटाएर आक्रमण गरी भागेको करिनाले बताउनुभयो । आक्रमणबाट उहाँको टाउकोमा चोट लागेको छ ।
घटनाको बारेमा इलाका प्रहरी कार्यालय धोबीमा जानकारी गराइसकिएको लिखु तामाकोसी गाउँपालिका– २ का वडाध्यक्ष सन्तोष पौडेलले बताउनुभयो ।
घाइते कारिनाको उपचार असार २५ गते स्थानीय स्वास्थ्य चौकी सैपुमा भयो ।