१० वर्षीया बालिकालाई बलात्कार गरेको आरोपमा बुटवल उपमहानगरपालिका–८, सुख्खानगरका ४८ वर्षीय एकबहादुर रानालाई प्रहरीले ०८१ असार २ गते गिरफ्तार गरेको छ ।
पीडित बालिकालाई आरोपितले जेठ ३१ गते बलात्कार गरेको भन्दै पीडित पक्षले सोही दिन इलाका प्रहरी कार्यालय, बुटवलमा उजुरी दिएको थियो । पीडित पक्षले दिएको सोही उजुरीको आधारमा आरोपितलाई गिरफ्तार गरी थप अनुसन्धान गरिरहेको इलाका प्रहरी कार्यालय, बुटवलका डिएसपी विजयराज पण्डितले इन्सेकलाई जानकारी दिनुभयो ।
पीडितको स्वास्थ्य परीक्षण जेठ ३२ गते लुम्बिनी प्रादेशिक अस्पताल, बुटवलमा भयो ।