बेलौरी नगरपालिका–६ विद्यानगर घर भई बेलौरी नगरपालिका–८ स्थित जनज्योति माध्यमिक विद्यालय, कलकत्तामा लामो समयदेखि शिक्षण गर्नुभएका ६५ वर्षीय शिक्षक लच्छी चन्दलाई ०८१ जेठ २ गते हत्या गरेको आरोपमा प्रहरीले बैतडी जिल्ला दोगडाकेदार गाउँपालिका–४ घर भई बेलौरी नगरपालिका–६ स्थित विद्यानगरमा बस्दै आउनुभएका ३५ वर्षीय महेश भण्डारीलाई जेठ ३ गते गिरफ्तार गरेको छ ।
शिक्षक चन्दलाई जेठ २ गते राति मदिरा सेवन गरेर आएका भण्डारीले सामान्य विवादमा मुख र टाउकोमा ढुङ्गा प्रहार गरी हत्या गरेको आरोपमा पीडित पक्षले जेठ ३ गते उजुरी दिएपछि आरोपितलाई गिरफ्तार गरी अनुसन्धान भइरहेको जिल्ला प्रहरी कार्यालय, कञ्चनपुरका डिएसपी उमेश जोशीले बताउनु भयो ।
ढुङ्गा प्रहारबाट गम्भीर घाइते भएका शिक्षक चन्दको बेलौरी प्राथमिक स्वास्थ्य चौकीमा उपचार हुन नसकेपछि थप उपचारका लागि धनगढीस्थित निर्सग अस्पतालमा लगिएकाे र उपचारकै क्रममा मृत्यु भएको जिल्ला प्रहरी कार्यालयका डिएसपी जोशीले बताउनु भयो ।
शवको पोष्टमार्टमका लागि सेती प्रादेशिक अस्पताल, धनगढीमा राखिएको छ ।