बागलुङ नगरपालिका–२ महेन्द्रपथ की ३२ वर्षीया दीपा आलेलाई खुकुरी प्रहार गरी घाइते बनाएको आरोपमा पति ३५ वर्षीय अर्जुन बहादुर सार्कीलाई जिल्ला प्रहरी कार्यालय बागलुङले वैशाख ५ गते गिरफ्तार गरेको छ ।
पीडित महिलालाई आरोपितले ०८१ वैशाख ५ गते राती खुकुरी प्रहार गरेका थिए । खुकुरी प्रहारबाट गम्भिर घाइते भएकी दीपाको गण्डकी अस्पताल पोखरामा उपचार भइरहेको छ ।
दीपाका आफन्तले अर्जुन विरुद्द वैशाख ६ गते जिल्ला प्रहरी कार्यालय बागलुङमा उजुरी दिएका छन् ।
पत्नी दीपालाई खुकुरी प्रहार गरेपछि अर्जुनले सोही खुकुरी आफुलाई पनि प्रहार गरेका थिए । घटनास्थलबाटै गिरफ्तार गरिएका अर्जुनको धौलागिरी अस्पताल बागलुङमा उपचार भइरहेको र घटनाबारे अनुसन्धान प्रक्रिया सुरु भइसकेको जिल्ला प्रहरी कार्यालय बागलुङका डिएसपी विजय यादवले जानकारी दिनुभयो ।