११ वर्षीया बालिकालाई बलात्कार गरेको आरोपमा रामेछापको मन्थली नगरपालिका–१५ घर भई धुलिखेल नगरपालिका–४ मा डेरा गरी बस्ने ८१ वर्षीय बादी सार्कीलाई प्रहरीले ०८० फागुन १७ गते गिरफ्तार गरेको छ ।
पीडित बालिकालाई आरोपितले फागुन ७ गते बलात्कार गरेको भन्दै पीडित पक्षले फागुन १५ गते जिल्ला प्रहरी कार्यालयमा उजुरी दिएको जिल्ला प्रहरी कार्यालयका डिएसपी राजकुमार श्रेष्ठले बताउनु भयो ।
पीडितको स्वास्थ्य परीक्षण फागुन १५ गते धुलिखेल अस्पतालमा भयो । आरोपितलाई गिरफ्तार गरी अनुसन्धानका लागि हिरासतमा लिइएको डिएसपी श्रेष्ठले इन्सेकलाई जानकारी दिनुभयो ।