व्यास नगरपालिकाका कृषि प्राविधिक ३२ वर्षीय मोहन बिकमाथि कात्तिक २१ गते व्यास नगरपालिका–९ का ३५ वर्षीय शुक्रजंग सुनारले दुर्व्यवहार गरेको भन्दै कात्तिक २२ गते जिल्ला प्रहरी कार्यालयमा उजुरी दिनुभएको छ ।
व्यास नगरपालिकाले कृषकहरुका लागि उपलब्ध गराएको ५० प्रतिशत अनुदानको आलुको बीउ बितरणको लागि वडा नम्बर ९ तर्फ जाँदै गर्दा आफूलाई सुनारले डाँडाचौर भन्ने स्थानमा बाटो छेकेर हातपात र दुर्व्यवहार गरेको पीडित बिकले जानकारी दिनु भयो ।
व्यास नगरपालिकाको वडा नम्बर ७ र ९ का विभिन्न टोल विकास संस्था मार्फत किसानले माग गरे अनुरुपको आलुको बीउ बितरण कार्यक्रम अन्र्तगत आफू त्यस क्षेत्रमा खटिएको विकले बताउनु भयो ।
उक्त घटनाबाट आफ्नो पेशागत र शारिरीक सुरक्षाको प्रत्याभूति नभएको र मनोबल कमजोर भएको हुँदा दोषीलाई कारवाही गर्न उजुरी दिएको विकले बताउनु भयो ।
जिल्ला प्रहरी कार्यालयका मुद्दा शाखाका इन्स्पेक्टर मोहन खड्काले अभद्र व्यवहारमा उजुरी दर्ता गरि कारबाहीको प्रक्रिया सुरु गरिएको बताउनुभयो ।