छायानाथ रारा नगरपालिका– ६ स्थित मुन्दुगाउँमा अज्ञात पक्षद्वारा आमासहित दुई छोरा र एक छोरीको हत्या भएको छ ।
हत्याहुनेमा २८ वर्षीया श्रीदेवी बोहोरा, छोरा ११ वर्षीय मनोज बोहोरा, छोरी सात वर्षीया अप्सरा बोहोरा र पाँच महिनाकाे छोरा रहर बोहोराको हत्या भएको जिल्ला प्रहरी कार्यालय मुगुका प्रमुख डिएसपी वीरेन्द्र थापाले जानकारी दिनुभयो । श्रीदेवीका पति वैदेशिक रोजगारीमा छन् ।
घटनाकाे बारेमा स्थानीयले प्रहरीलाई कात्तिक १० गते बिहान १० बजेतिर खबर गरेका थिए । खबर पाएपछि डिएसपी थापा एक टोली लिएर घटनास्थल पुगेको थियाे । चारैजनाको घाँटी रेटेर हत्या गरेको पाइएको प्रमुख डिएसपी थापाले बताउनु भयो ।
घटनास्थलको मुचुल्कासहित अनुसन्धान अघि बढाइएको डिएसपी थापाले जानकारी दिनुभयो । घटनास्थल जिल्ला सदरमुकाम गमगढीदेखि तीन घन्टा पैदल दक्षिणपूर्वमा रहेको छ ।
शवको पोष्टमार्टमकाे लागि कात्तिक १२ गते जिल्ला अस्पतालमा राखिएकाे छ ।