शारिरीक रुपमा अपाङ्गता भएकी २५ वर्षीया महिलालाई बलात्कार गरेको आरोपमा जिल्ला प्रहरी कार्यालय बागलुङले ढोरपाटन नगरपालिका–८ नौथरका ५० वर्षीय मनबहादुर विकलाई असार १२ गते गिरफ्तार गरेको छ ।
पीडित महिलालाई आरोपितले ०८० असार ११ गते बलात्कार गरेको भन्दै पीडित पक्षले असार १२ गते मौखिक र असार १३ गते जिल्ला प्रहरी कार्यालय बागलुङमा लिखित उजुरी दिएको जिल्ला प्रहरी कार्यालय बागलुङका डिएसपी मदन केसीले बताउनुभयो ।
पीडित महिलाको स्वास्थ्य परीक्षण असार १३ गते धौलागिरी अस्पताल बागलुङमा गरिएको छ ।