१६ वर्षीया बालिकालाई १७ वर्षीय बालकले यौन दुर्व्यवहार गरेको कसुरमा जिल्ला अदालतले चैत २९ गते तीन वर्ष चार महिना कैद सजायको फैसला गरेको छ ।
जिल्ला अदालतका न्याधीश लिलाराज अधिकारीको एकल इजलासले सो फैसला गरेको हो । आरोपितलाई कसुर ठहर गर्दै ५ वर्ष कैद सजाय भए पनि बालकको सजाय मिनाहा गरेर बालसुधार गृह पठाउने फैसला भएको हो ।
आरोपितले बालिकालाई ०७९ पुस ७ गते यौन दुर्व्यवहार गरेको भन्दै पीडित पक्षले पुस ८ गते जिल्ला प्रहरी कार्यालय सिरहामा उजुरी दिएका थिए । उजुरी दिएकै दिन आरोपितलाई जिल्ला प्रहरी कार्यालयले गिरफ्तार गरेको थियो ।
पुस ८ गते पीडितको स्वास्थ्य परीक्षण प्रादेशिक अस्पताल सिरहामा भएको थियो ।
जिल्ला अदालतको आदेशमा आरोपित पुस २९ गते देखि पुर्पक्षका लागि थुनामा पठाएका छन् ।