आठ वर्षीया बालिकालाई यौन दुर्व्यवहार गरेको कसुरमा बिष्णुपुर गाउँपालिका–२ सिम्राहा सिंग्यौनका ५७ वर्षीय सोनेलाल यादवलाई चैत २० गते नौ वर्ष कैद सजायको फैसला भएको छ ।
जिल्ला न्यायाधीश रमेशप्रसाद ज्ञवालीको इजलाशले यादवलाई कैद सजायका साथै एक लाख रुपियाँ जरिवाना तिराउने र फौजदारी कसुर पीडित राहत कोषमा १ हजार ८ सय रुपियाँ भराउने फैसला गरेको सूचना अधिकारी भरतमणि पोखरेलले बताउनु भयो ।
आरोपितले ०७६ जेठ १ गते साँझ भैंसी चराउन गएका बेला यौन दुर्व्यवहार गरेको भन्दै निजकी आमाले जिल्ला प्रहरी कार्यालयमा ०७६ जेठ २ गते उजुरी दिनुभएको थियो । जिल्ला प्रहरी कार्यालयले जेठ २ गते उजुरी दर्ता गरेको थियो ।
पीडितको राजविराजस्थित गजेन्द्रनारायण सिंह अस्पतालमा ०७६ जेठ २ गते स्वास्थ्य परिक्षण भएको थियो । फरार रहेका आरोपितविरुद्ध अदालतमा ०७७ वैशाख ३० गते अभियोगपत्र दायर भएको थियो ।