१५ वर्षीया बालिकालाई बलात्कार गरेको कसुरमा जिल्ला अदालत मोरङले जेठ २४ गते जहदा गाउँपालिका-२ का २९ वर्षीय जितेन्द्रप्रसाद साहलाई ६ वर्षकैद फैसला सुनाएको छ ।
न्यायाधीश फडिन्द्रप्रसाद पराजुलीको इजलासले साहलाई ६ वर्षकैदसँगै १५ हजार रुपियाँ पीडितलाई क्षतिपूर्ति भराउने निर्णय गरेको जिल्ला अदालत मोरङका श्रेस्तेदार नवराज दुलालले बताए ।
साहले बालिकालाई ०७४ साल वैशाख १ गते बलात्कार गरेको आरोपमा पीडित पक्षले वैशाख २ गते उजुरी दिएपछि आरोपितलाई वैशाख ३ गते गिरफ्तार गरी मुद्दा चलाइएको थियो । पीडित बालिकाको स्वास्थ्य परीक्षण वैशाख ४ गते कोशी अञ्चल अस्पताल विराटनगरमा गरिएको थियो ।