४० वर्षीया महिलालाई ‘बोक्सी’ भन्दै अमानवीय व्यवहार गरेको आरोपमा राजविराज नगरपालिका–९ जगदरी टोलका ५० वर्षीय अकबर मियाँ, निजकी पत्नी ४८ वर्षीया हजरुणवती खातुन र उनीहरूका छोराहरू ३० वर्षीय सोकत अली, अर्का छोरा २८ वर्षीय जाबेद अली विरुद्ध प्रहरीले फागुन १४ गते उजुरी दर्ता गरेको छ ।
उच्च अदालत जनकपुर राजविराज इजलाशको परमादेश पश्चात जिल्ला प्रहरी कार्यालय सप्तरीले उजुरी दर्ता गरेको र आरोपितहरू विरुद्ध जिल्ला अदालतबाट फागुन १४ गते पक्राउ पुर्जी समेत जारी भएको अदालतले जनाएको छ ।
आरोपितहरूले ०७८ चैत २ गते पीडितलाई कथित बोक्सीको आरोप लगाई गालीगलौज र कुटपिट गरेको पीडितले बताउनु भयो ।