नगराइन नगरपालिकाले ०७९ साउनदेखि पुससम्म ज्येष्ठ नागरिक, अपाङ्ग, एकल महिलालगायत सामाजिक सुरक्षा भत्ता पाउनेहरुलाई भत्ता नदिएको भन्दै ज्येष्ठ नागरिकहरु सङ्घर्ष समिति गठन गरी आन्दोलन गरीरहेका छन् ।
कर्मचारीहरुले समेत तलव,भत्ता माग गर्दै मङ्सिर १८ गतेदेखि नगरपालिकामा तालाबन्दी गर्दै सेवा रोकेर धर्नामा बसेका छन् ।
आन्दोलित ज्येष्ठ नागरिकहरु भोला दासको अध्यक्षतामा नौ सदस्य सङ्घर्ष समिति पुस १९ गते गठन गरेका छन् । गठित सङ्घर्ष समितिको उपाध्यक्षमा जागेश्वर सदा, कोषाध्यक्षमा राजेश्वर महतो, सचिवमा राजाई यादव छन् । त्यसतै गरी सदस्यहरुमा सिरी सदा, रामदेव मुखिया, केशवर दास, दशरथ यादव र मुनेश्वर दास रहेको जनाइएको छ ।यथाशीघ्र सामाजिक सुरक्षा भत्ता उपलब्ध गराउन चरणवद्ध आन्दोलनको घोषणा गर्ने सङ्घर्ष समितिका अध्यक्ष भोला दासले बताउनु भयो ।
नगरपालिकाका मेयर विनय कुमार यादवले नेकपा एमालेबाट निर्वाचित उपमेयरलगायतको वडाध्यक्ष र कार्यपालिका सदस्यहरुले नगरसभा हुन नदिएकाले समस्या भइरहेको बताउनु भयो ।