राजबिराज नपा–१ चनौरा पडरियाकी ४० वर्षीया गीता रजकको हत्या आरोपमा प्रहरीले ५२ वर्षीय पति भैयालाल भनिने हिरालाल रजकलाई मङ्सिर १० गते गिरफ्तार गरेको छ ।
राजविराज नपा–१ स्थित प्राङ्गरिक मल बनाउने निर्माणाधिन खुल्ला भवनको प्यासेजभित्र गीताको टाउको तथा निधारमा धारिलो हतियार प्रहार गरी हत्या गरेको अवस्थामा मङ्सिर १० गते शव फेला परेको थियो ।
उनीहरु राजबिराज नपा–१ रामपुर टोल घर भई सोही वडाको पडरिया टोलस्थित दिपेन्द्र यादवको घरमा डेरा गरी बसेका थिए । शवको पोष्टमार्टम मङ्सिर १० गते राजविराजस्थित गजेन्द्रनारायण सिंह अस्पतालमा गरिएको छ ।
मृतकका बुवा गजानन्द रजकले जिल्ला प्रहरी कार्यालय सप्तरीमा दिनु भएको किटानी उजुरीका आधारमा आरोपित हिरालाललाई गिरफ्तार गरिएको जिल्ला प्रहरी कार्यालयका एसपी अविनारायण काफ्लेले बताउनु भयो । पीडित पक्षले दिएको उजुरी दर्ता गरी थप अनुसन्धान थालिएको एसपी काफ्लेले बताउनु भयो ।