नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका केन्द्रीय सदस्य एवम् नवलपरासी (बर्दघाट सुस्ता पूर्व) जिल्ला अध्यक्ष शरद वली (ध्रुव)सहित तीन जनालाई प्रहरीले कात्तिक १७ गते गिरफ्तार गरेको छ ।
निर्वाचन वहिष्कारसम्बन्धी प्रचार कार्यक्रममा सहभागी भएको आरोपमा वलीलाई मध्यविन्दु नगरपालिका–९ बसन्तपुरबाट गिरफ्तार गरिएको प्रहरीले जनाएको छ ।
प्रहरीले नेकपा जिल्ला सेक्रेटरी गङ्गा ज्ञवाली र जिल्ला सदस्य अर्जुन ठगुन्नालाई सोही दिन गिरफ्तार गरेको छ ।
सामाना जागरण अभियान अन्तर्गत सांस्कृतिक कार्यक्रम तथा निर्वाचन बहिष्कार कार्यक्रमको क्रममा उनीहरूलाई गिरफ्तार गरेको जिल्ला प्रहरी कार्यालय नवलपरासी (बर्दघाट सुस्ता पूर्व)ले जनाएको छ ।