निर्वाचन आचार संहिता विपरीत नेकपा माओवादी केन्द्रले जिल्ला सदरमुकाम चौतारा बजारमा राखिएको झण्डा हटाउन ०७९ असोज २३ गते मुख्य निर्वाचन अधिकृतको कार्यालयले अनुरोध गरे पनि बजारक्षेत्रमा राखिएको झण्डा हटाइएको छैन ।
नेकपा माओवादी केन्द्रले असोज २२ गते राती चौतारा बजारमा प्रत्यक घरमा निर्वाचन चिह्न अङ्कित झण्डा राखिएको थियो । उक्त कार्य निर्वाचन आचार संहिता २०७९ को परिच्छेद ४ को दफा १४ काे उपदफा १ को खण्ड (ज) को उल्लङ्घन भएको हो ।
उक्त कार्य आचार संहिता विपरीत भएको भन्दै हटाउन अनुरोध गरेको मुख्य मुख्य निर्वाचन अधिकृत बिदुर कोइरालाले बताउनु भयो ।
मुख्य जिल्ला निर्वाचन अधिकृत कोइरालाका अनुसार निर्वाचन आचार संहिता विपरीतका कार्यहरूलाई निरुत्साहीत गराउनु सबै पक्षको दाइत्व हुन आउँछ । त्ससैले सबैपक्ष सजग हुन आवश्यक छ ।
