१९ वर्षीया महिलालाई बलात्कार गरेको घटनाका आरोपित सुनसरीको दुहबी नगरपालिका–९ का २१ वर्षीय गुड्डु भनिने सज्जाद मियाँविरुद्धको मुद्दा जिल्ला अदालतले भदौ २३ गते मुल्तबीमा राख्ने फैसला गरेको छ ।
न्यायाधीश माधवप्रसाद सुवेदीको इजलासले उक्त मुद्दा मुल्तबीमा राख्ने फैसला गरेको हो ।
पीडित महिलालाई आरोपितले ०७६ फागुन ११ गते कञ्चनरुप नगरपालिका–६ मा डर, त्रास देखाई नियन्त्रणमा लिएर बलात्कार गरेको भन्दै पीडितले ०७६ फागुन १८ गते इलाका प्रहरी कार्यालय कञ्चनरुपमा उजुरी गरेकी थिइन् ।
पीडितको स्वास्थ्य परीक्षण ०७६ फागुन १९ गते गजेन्द्रनारायण सिंह अस्पतालमा गरी सोही दिन इलाका प्रहरी कार्यालय कञ्चनरुपले उजुरी दर्ता गरेको थियो ।
‘फरार’ रहेका आरोपितविरुद्ध वारेण्टसहितको म्यादी पुर्जी जारी भएपनि आरोपित हाजिर वा गिरफ्तारीमा नपरेपछि ०७७ फागुन ५ गते अदालतमा अभियोजन पत्र दायर गरिएको थियो ।