२१ वर्षीया महिलालाई बलात्कार प्रयास गरेको आरोपमा लहान नगरपालिकाका उपप्रमुख ३८ वर्षीय रामचलितर महतोलाई इलाका प्रहरी कार्यालय लहानले भदौ २४ गते गिरफ्तार गरेको छ ।
पीडित महिलालाई आरोपितले जेठ १९ गते जागिर लगाइदिने प्रलोभनमा आफ्नो गोप्या कक्षमा लगी बलात्कार प्रयास गरेको आरोपमा पीडितले इलाका प्रहरी कार्यालय लहानमा साउन ५ गते उजुरी दिएकी थिइन् ।
पीडित महिलाको स्वस्थ्य परीक्षण लहानस्थित रामकुमार उमाप्रसाद अस्पतालमा साउन ५ गते गरिएको थियो ।
आरोपित महतो इलाका प्रहरी कार्यालय लहानमा आफैँ उपस्थित भएपछि गिरफ्तार गरिएको र अदालत खुलेपछि म्याद थप गर्ने जिल्ला प्रहरी कार्यालयका एसपी अर्जुनप्रसाद तिमल्सिनाले बताउनु भयो ।
आरोपित महतोले भदौ २४ गते पत्रकार सम्मलेन गरेर उपचार र धार्मिक भ्रमणमा रहेको र आउने बित्तिकै घटनाबारे थाहा पाएको बताउनु भयो । आफू निर्दोष रहेको र फसाउने षडयन्त्र भएको उहाँको आरोप छ ।