३० वर्षीया महिलालाई बलात्कार प्रयास गरेको आरोपमा प्रहरीले बुटवल उपमनपा–११ का ३६ वर्षीय सुरज विश्वकर्मालाई भदौ २२ गते घरबाटै गिरफ्तार गरेको छ ।
पीडितलाइ आरोपितले भदौ २२ गते बलात्कार प्रयास गरेको भन्दै पीडितले सोही दिन इलाका प्रहरी कार्यालय बुटवलमा उजुरी दिनु भयो ।
पीडितले दिएको उजुरीका आधारमा आरोपितलाई गिरफ्तार गरी थप अनुसन्धान भइरहेको इलाका प्रहरी कार्यालय बुटवलका डिएसपी ठगबहादुर केसीले बताउनु भयो ।
आफू घरमा बसिरहेको अवस्थामा आरोपित आएर अश्लील व्यवहार गर्दै बलात्कारको प्रयास गरेकोले न्यायकालागि प्रहरीमा उजुरी दिएको बताउनु भयो ।
पीडितको स्वास्थ्य परीक्षण भदौ २२ गते लुम्बिनी प्रादेशिक अस्पताल बुटवलमा गरिएको छ ।