३० वर्षीया महिलालाई बलात्कार गरेको आरोपमा पीडित पक्षले बढैयाताल गाउँपालिका–३ का ५५ वर्षीय लल्लन अहिर यादव विरूद्ध भदौ १७ गते इलाका प्रहरी कार्यालय मैनापोखरमा उजुरी दिएका छन् ।
पीडितलाई आरोपितले पछिल्लो पटक भदौ १० गते बलात्कार गरेको भन्दै पीडित पक्षले उजुरी दिएको जिल्ला प्रहरी कार्यालय गुलरियाका डिएसपी हिक्मतबहादुर बोहराले बताउनु भयो । आरोपित बढैयाताल गाउँपालिका –३ का निर्वाचित वडा अध्यक्ष पनि हुन् ।
पीडित पक्षले दिएको उजुरीका अधारमा अनुसन्धान अगाडि बढाएको र आरोपित फरार रहेकाले गिरफ्तार गर्न प्रहरी परिचालन गरिएको डिएसपी बोहराले बताउनु भयो ।
पीडितलाई माइती नेपाल गुलरिया सङ्रक्षणमा राखिएको छ । आफ्नो पेटमा आरोपितको पाँच महिनाको गर्भसमेत रहेको पीडितले बताउनु भयो ।
पीडितको स्वास्थ्य परीक्षण भदौ १७ गते बर्दिया अस्पतालमा गरिएको छ ।