१४ वर्षीया बालिकालाई बलात्कार गरेको आरोपमा शहिदनगर नगरपालिका–३ का २२ वर्षीय आकाश मण्डलविरुद्ध इलाका प्रहरी कार्यालय यदुकोहामा पीडितले दिएको उजुरी साउन २३ गते दर्ता गरिएको छ ।
पीडित बालिकालाई आरोपित मण्डलले साउन २० गते बलात्कार गरेको पीडित बालिकाको आरोप छ ।
पीडित बालिकाले इलाका प्रहरी कार्यालय यदुकोहामा साउन २१ गते आरोपितविरुद्ध उजुरी दिएको इलाका प्रहरी कार्यालय यदुकोहाका इन्स्पेक्टर हरिविष्णु ढकालले बताउनु भयो ।
पीडित बालिकाको स्वास्थ्य परीक्षण साउन २१ गते प्रादेशिक अस्पताल जनकपुरधाममा गरिएको छ ।
घटनापछि आरोपित ‘फरार’ रहेकाले खोजी कार्य भइरहेको इन्स्पेक्टर ढकालले बताउनु भयो ।