१६ वर्षीया बालिका बलात्कार कसुरमा बारा जिल्ला कोल्हवी नगरपालिका–९ का ३१ वर्षीय जियालाल महरालाई जिल्ला अदालत चितवनले १० वर्ष कैद सजाय फैसला सुनाएको छ ।
न्यायधीश अवनी मैनाली भट्टराईको इजलासले ०७९ असार ५ गते उक्त फैसला गरेको हो ।
महरालाई बलात्कारको कसुरमा १० वर्ष कैद, ४ लाख जरिवाना र १ लाख क्षतिपूर्ती भराउने फैसला भएको अदालतका सूचना अधिकारी इश्वर आचार्यले जानकारी दिनुभयो ।
पीडित बालिकालाई ०७८ पुस २० गते बलात्कार गरेको भन्दै महराविरुद्ध पीडित पक्षले माघ ७ गते जिल्ला प्रहरी कार्यालय चितवनमा उजुरी दिएको थियो ।
बालिकाकोस्वास्थ्य परीक्षण माघ ७ गते भरतपुर अस्पतालमा भएको थियो ।
महरा जिल्ला अदालतको आदेशमा फागुन ३ गते पूर्पक्षका लागि थुनामा गएका थिए ।